საახალწლოდ შესასრულებელი მისია “ჟოზე”

2024 წლის დადგომა განსაკუთრებულად გვინდოდა აღვენიშნა და რადგან უკვე გვქონდა საახალწლო აუდიო-ვიზუალური შოუს შექმნის გამოცდილება, გადავწყვიტეთ...

2024 წლის დადგომა განსაკუთრებულად გვინდოდა აღვენიშნა და რადგან უკვე გვქონდა საახალწლო აუდიო-ვიზუალური შოუს შექმნის გამოცდილება, გადავწყვიტეთ ეს ბავშვების საყვარელ პერსონაჟ ჟირაფ ჟოზესთან ერთად გაგვეკეთებინა. ასე შედგა ჩვენი, ჰოლოზეუმის და სტუდია ველოსიპედის ერთობლივი პროექტი.

ამისთვის ჰოლოზეუმში შევქმენით ჟირაფი ჟოზეს საახალწლო სერიის სიუჟეტური გაგრძელება, სადაც ბავშვებს ინტერაქციული თამაშების , თავსატეხებისა და ამოცანების შესრულებით დატყვევებული თოვლის პაპა უნდა გაეთავისუფლებინათ. მისიის შესრულებაში მათ თავად ჟირაფი ჟოზეს ანიმაციური გამოსახულება ეხმარებოდა და სწორედ მასთან ინტერაქციით მიმდინარეობდა მთელი შოუ, რომელსაც გიდები ჩვენს მიერ სპეციალურად დაწერილი მობილური აპლიკაციის დახმარებით მართავდნენ.