360° გუმბათი
ჩვენი გუნდის მორიგი გამოწვევა იყო საქართველოს ბანკის დაკვეთით შემეცნებითი, სრულად ანიმაციური ფილმის მომზადება მზის სისტემის შესახებ. 1 ივნისს, ბავშვთა საერთაშორისო დღეს, სავაჭრო ცენტრ East Point-ის ტერიტორიაზე განთავსდა დოუმის ტიპის გუმბათოვანი დარბაზი, რომელიც საშუალებას გვაძლევდა შეგვექმნა სრულად იმერსიული ეფექტი. განსხვავებით ტრადიციული კინოდარბაზისაგან, აქ მაყურებელი მთლიანად მოცული იყო გამოსახულებით. ამ ამოცანის შესასრულებლად გამოვიყენეთ პროგრამა თაჩდიზაინერი, რომელმაც უზრუნველყო გამოსახულების რეალურ დროში 360°-იანი რენდერი.
