Humanity is driven by the stories we believe in. On this planet, we are the only beings who do everything
based on which story we follow and believe. It doesn't matter what you do or create, the main thing is whether
you can turn it into a story and make other people understand it. This is our mission.
სრული გონებით
როდესაც GTWT-ზე მონაწილეობის შეთავაზება მივიღეთ, ეს ერთდროულად სასიამოვნოც იყო და საინტერესოც. უკვე მეორე წელია საქართველო მასპინძლობს რეგიონში ერთ-ერთ ყველაზე დიდ ტექნოლოგიურ ფორუმს
Global Tech Weekend Tbilisi
. ღონისძიება მასპინძლობს კომპანიებს, დამფუძნებლებს, მთავრობებს, ინვესტორებს, შემოქმედებით გუნდებს, სტარტაპებს და უნივერსიტეტებს 150-ზე მეტი ქვეყნიდან.
ეს ღონისძიება ჩვენ ფოკუსში ექცევა როგორც კორპორაციული, ისე შემოქმედებითი თვალსაზრისით. რადგან ამბავი კრეატორსი უპირველეს ყოვლისა
იმერსიული თხრობის კომპანიაა
, გადავწყვიტეთ ეს პლატფორმა უფრო შემოქმედებითი პროექტის წარსადგენად გამოგვეყენებინა, რომელიც ჩვენი საქმიანობის ყველა მსახრეს წარმოაჩენდა. ჩვენ ხომ კომპანიად სტრუქტურირებული შემოქმედებითი გუნდი ვართ და ხელოვნების ტრადიციულ ფორმებს კაცობრიობის მოწინავე ტექნოლოგიებთან ერთად იმერსიული თხრობის შესაქმნელად ვიყენებთ.
ასე გაჩნდა
ინტერაქციული ინსტალაციის
იდეა, რომელსაც
"სრული გონებით"
ვუწოდეთ. მასში ტექნოლოგიის, ბუნების ელემენტების, ხმისა და თხრობის გაერთიანებით შევქმენით გარემო, რომელშიც ადამიანი სრული გონებით მოქმედებდა. გამოვიყენეთ როგორც ნარატივი, ისე შეხება, ყნოსვა, ხმა და თვითრეფლექსია. ინსტალაციით დავარღვიეთ მიჯნები ბუნებას, ტრადიციული ხელოვნების ფორმებსა და ტექნოლოგიებს შორის. მისი საშუალებით, თანამედროვე ცხოვრებაში არსებული ამ ელემენტების ერთიან კონცეფციაში მოქცევით, შევქმენით ჰარმონია.
ეს იყო უზარმაზარი პანელებით გამოყოფილი სივრცე გლობალურ ტექნოლოგიურ ფორუმზე, სადაც ადამიანებს სრული გონებით მედიტაციურ გამოცდილებას ვთავაზობდით. ვიზუალურად და კონცეპტუალურად ინსტალაცია ტრადიციულ სახვითი შემოქმედების გამოფენას ჰგავდა. იგი იწყებოდა ვიზუალურ შემოქმედებაზე დაკვირვებით. შემდეგ ადამიანი გადადიოდა მომდევნო კედელთან, სადაც ხვდებოდა სამუზეუმო ექსპონატის მსგავსად პედესტალზე დადებული ბალახი, რომელსაც უნდა შეხებოდა და საკუთარ შეგრძნებებს დაჰკვირვებოდა, შემდეგ კედელთან კი მიღებული შთაბეჭდილებები მოეყოლა მიკროფონში, რაც მის წინ განთავსებულ ყვავილის გამოსახულებას ცვლიდა. რაც უფრო დეტალიზებული იყო აღწერა მით უფრო იფურჩქნებოდა ყვავილი და ივსებოდა მუსიკა, რომელსაც ყურსასმენებით უსმენდნენ. აქედან კი ფინალურ კედელთან გადადიოდნენ, სადაც ვიზუალი ადამიანის მოქმედებას უკავშირდებოდა და მასთან ერთად იცვლებოდა. ინსტალაცია ტექნოლოგიურ ფორუმზე ქმნიდა "მაინდფულნეს მედიტაციის" მსგავს გამოცდილებას, გვაჩვენებდა გზას, როგორ შეიძლება გამოვიყენოთ ტექნოლოგიები ბუნებასა და შემოქმედებითობასთან ჰარმონიული კავშირის დასამყარებლად და ამავდროულად ადამიანს რთავდა გამოცდილებაში, სადაც გრძნობისა და აღქმის ყველა ძირითადი ორგანო აქტიურდებოდა და ადამიანს პასიური დამთვალიერებლიდან მთავარ მოქმედ გმირად აქცევდა.
ჩვენთვის სასიხარულოდ, ინტერაქციული ინსტალაცია "სრული გონებით" GTWT 2026-ზე ერთ-ერთ ყველაზე დასამახსოვრებელ მოვლენად იქცა. ადამიანები ერთი ნახვის შემდეგ გამოცდილების ხელახლა გასავლელად ბრუნდებოდნენ და სხვებიც მოჰყავდათ, რამაც მთელი გუნდი ძალიან დაგვმუხტა. მისი საშუალებით ჩვენ გამოვხატეთ და ადამიანებამდე მივიტანეთ საკუთარი მისია:
ყოველი ამბავი, რომელსაც ვყვებით, ვაქციოთ განსაკუთრებულ გამოცდილებად.
როდესაც GTWT-ზე მონაწილეობის შეთავაზება მივიღეთ, ეს ერთდროულად სასიამოვნოც იყო და საინტერესოც. უკვე მეორე წელია საქართველო მასპინძლობს რეგიონში ერთ-ერთ ყველაზე დიდ ტექნოლოგიურ ფორუმს
Global Tech Weekend Tbilisi
. ღონისძიება მასპინძლობს კომპანიებს, დამფუძნებლებს, მთავრობებს, ინვესტორებს, შემოქმედებით გუნდებს, სტარტაპებს და უნივერსიტეტებს 150-ზე მეტი ქვეყნიდან.
