სოციალური კაფე “მზიური”
ზაფხულში ცნობილი გახდა, რომ მერია წარმატებულ სოციალურ კაფე “მზიურს” ხელშეკრულებას აღარ გაუგრძელებდა და შენობას აუქციონზე გაიტანდა. ჩვენ, როგორც სოციალური პასუხისმგებლობის მქონე კომპანიამ, თავი ვალდებულად ჩავთვალეთ მზიურის კაფის ამბავი განსხვავებული ფორმით მიგვეტანა ადამიანებამდე. ამისთვის კაფის დამფუძნებელს, ანა გოგუაძეს დავუკავშირდით. პირველ რიგში კიდევ ერთხელ დაწვრილებით შევისწავლეთ მისი ისტორია, შევარჩიეთ საარქივო მასალა, მოვიფიქრეთ აუდიო-ვიზუალური შოუს კონცეფცია და გადავწყვიტეთ თავად კაფის შენობა აგველაპარაკებინა, რათა მას თავად მოეთხრო საკუთარი ამბავი. 
